تحدي الـ 29يوم -اليوم العاشر

 هلا والله 

طبعاً هذا هو اليوم العاشر منذ ان تحديت نفسي بتطوير اللغة الانگليزية عندي وما زلت مستمر والهدف من التحدي ان اطور من مستواي منA2 الى C1

بما انهُ اليوم العاشر فخلي احجيلكم عن تجربتي الشخصية يومياً اقضي ما يقارب الثلاث ساعات تقريباً متفرقة اتابع فيدوهات واشياء وبرامج تخص الانگليزي شفت انواع مختلفة من الفيديوهات والاساتذة والمواضيع بس اكثر استاذتين حسيت لهجتهم حلوة ومفهومة هما مارينا وكايتي

وراح اخلي روابط قنواتهم جوه

https://youtube.com/c/linguamarina

https://youtube.com/c/TheEnglishCoach

واتعلم منهم مفردات جديدة و جمل و أمثله 

واكتبها حتى اراجعها بعدين 

صورتي واني اقره الي سجلته  

و جاي استخدم تطبيقات مثل cake 

تطبيق روعة وراح يفيدكم حيل 

وهذا رابط التطبيق 

https://apps.apple.com/us/app/cake-learn-english/id1350420987

واكيد ما انسى الدور المهم لچاتات التلگرام 

الي امارس بيها التحدث وتتعرفون بيها ع ناس يسوولكم واهس بالتدريب وتتعرفون ع ناس من مختلف الدول 

هذه قناة للممارسة 

https://t.me/Minha_Voice_Chat

طبعاً بالنسبة للجهد المبذول مو هواي واحلى شي انو انت ما مجبور ع هذا التحدي ولا عندك سياق مفروض عليك تلتزم بي لان بالاخير هذا الشي الي تسوي لنفسك وهذا الشي راح يصب بمصلحتك وتحس نفسك مسوي انجاز بحياتك 

وخصوصاً اللغة كلما تطورها تتعلم من خلالها شغلات واشياء تفيدك 

وشكد احساس حلو من تتعلم جملة جديدة ومن تفتح شي بالانكليزي وتحس الكلام مألوف و تكدر تفتهمه هنا راح تبين ثمرة جهدك والتزامك اما عني فمتعجب بنفسي لان صرت افهم اغلب الموضوع الي يحجونه حتى لو تجي مفردات ما مفتهما  

واكو فدشي اعتبره اقوه انجاز انو كسرت حاجز الخجل او الخوف وكمت احجي بالچات بدون ما اختم اذا راح اغلط او احد راح يضحك ع لغتي او لهجتي وكمت اسأل ع معاني ماعرفها والتجربه لحد الان كلش حلوة 

الخطة اللي متبعها طبعاً مو مضبوطة كلش لان ممخص اوقات مثلاً للصوت واوقات للأملاء بس اني هيج مرتاح بيها وجاي اتطور هذا اهم شي مستقبلاً ممكن اراجع نفسي واشوف شنو الشي الي مو هلكد قوي بي واخصصلة وقت وحده وهو حالياً الأملاء هواي كلمات اعرفها بلفظها بس ماعرفها بكتابها 

وان شاء الله الافضل قادم